డా.పద్మశ్రీ భానుమతి రామకృష్ణ

సరిలేరు నీకెవ్వరు - 3

2012-02-13T13:21:00.002+05:30

చదవటానికి ఇమేజ్ మీద నొక్కండి.

స్వర్గసీమ - ఒహోహో పావురమా

2012-02-06T10:00:00.004+05:30

సరిలేరు నీకెవ్వరు - 2

2012-01-25T11:11:00.003+05:30

చదవటానికి ఇమేజ్ మీద నొక్కండి.

అనురాగం - సన్నజాజి తీవెలోయ్

2012-01-18T09:30:00.001+05:30

60 ఏళ్ల నిత్య యవ్వని మల్లీశ్వరి

2011-12-31T07:27:00.002+05:30

ఒకనాటి రాత్రి - నిదురపోవాలి

2011-11-27T15:19:00.002+05:30

సరిలేరు నీకెవ్వరు - 1

2011-11-14T12:03:00.003+05:30

చదవటానికి ఇమేజ్ మీద నొక్కండి.

చక్రపాణి - పక్కల నిలబడి

2011-11-05T15:31:00.002+05:30

భానుమతిగారి తీరని ముచ్చట

2011-10-24T10:00:00.003+05:30

చదవటానికి ఇమేజ్ మీద నొక్కండి.

బామ్మ మాట బంగారు బాట

2011-10-13T21:19:00.003+05:30

మట్టిలో మాణిక్యం

2011-08-15T11:06:00.002+05:30

చలం నిర్మాతగా తీసిన చిత్రాల్లో బాగా హిట్ అయి అవార్డులు, రివార్డులు తెచ్చిపెట్టిన చిత్రం ‘మట్టిలో మాణిక్యం’.
నిజానికి ఆ చిత్రం 16 రీళ్లు పూర్తయిపోయింది. అయితే ఆ చిత్రాన్ని ప్రీవ్యూలో చూసిన శ్రీ ఫిలిమ్స్ చంద్రశేఖరం కథ బాగాలేదు. భానుమతికి ప్రాధాన్యత ఉండేట్టు కథ మార్చండి. ఆమెపేరు పాత్ర ఉంటేనే నేను డిస్ట్రిబ్యూషన్ చేస్తాను’ అన్నారు.
వెంటనే చలం భానుమతితో ‘‘అమ్మా! మీరు రచయిత్రి! ఇప్పుడు ఈ సినిమా స్క్రిప్టు మీ ముందు పెడుతున్నాను. మీ ఇష్టం వచ్చినట్టు మార్పులు చేర్పులు చేయండి! కథ ఎలా వౌల్డ్ చేస్తారో మీ ఇష్టం. మీరు మీ పాత్ర ప్రాధాన్యత పెంచుకోండి, మీరు ఈ చిత్రంలో ఉండాలి. మీతోపాటు జమున ఉన్నారు. రచయిత రాజశ్రీ, డైరక్టర్‌లను మీ దగ్గరకు పంపుతాను!’’ అన్నాడు.
పాత కథలోరెండు రీళ్ల తల్లి పాత్రను ఏడు రీళ్ల వదిన పాత్రగా మార్చి కథ మొత్తం దాదాపు తిరగ రాసారు. అది రచయిత రాజశ్రీ, డైరక్టర్ బివి ప్రసాద్‌లకు చెప్పి ఆమె నటించారు. భానుమతిగారు ఆ చిత్రం షూటింగ్‌లో సెట్‌లో అప్పటికి తోచిన హాస్య సంభాషణలు చెప్పి అదనంగా తీయించేవారు.
ఇలా కూర్చడంవల్ల నటీనటులు కొత్త డైలాగులు చెప్పాల్సి వచ్చేది. అయినా సహకరించారు. భానుమతిగారి చెయ్యి పడడంవల్ల హాస్య సన్నివేశాలు పెరిగాయి. హాస్యం బాగా పండింది. తక్కిన నటీనటులు వాళ్లషూటింగ్ పూర్తయినా సెట్‌బయట దగ్గరగా ఉండి హాస్య సన్నివేశాలను ఎంజాయ్ చేసేవారు.
అలా భానుమతిగారి ప్రతిభతో ‘మట్టి’గా మారిన ఆ చిత్రాన్ని ‘మాణిక్యం’ చేశారు. ఇక ఈ చిత్రం విడుదలయ్యాక అది సూపర్ డూపర్ హిట్టయింది. భానుమతి నటనకు, ఛాయాదేవిని ఆమె కథలో కంట్రోల్ చేసిన విధానానికి భానుమతికే ఎక్కువ క్రెడిట్ దక్కింది.

పెద్దరికం - బసవపున్నమ్మ

2011-07-25T11:06:00.002+05:30

పల్నాటియుద్ధం - జయ శంభో శివ శంకర

2011-07-04T10:32:00.003+05:30

నాలో నేను - 5

2011-06-17T14:31:00.004+05:30

"అత్తగారి కథలు" రాయడం సరదాగా ప్రారంభించాను. ముళ్ళపూడి వెంకటరమణ బాగా ఎంకరేజ్ చేశేవారు. ఆ కథలకు స్ఫూర్తి మా అత్తగారే. కానీ సంఘటనలన్నీ నిజంకావు. కొన్ని కల్పించినవి. వాతావరణానికి మా ఇళ్ళు బేస్‌గా పెట్టుకున్నాన్ను అంతే. పైగా కొన్ని నాకు జరిగిన సంఘటనలు ఆవిడకు ఆపాదించాను. ఉదాహరణకు "అత్తగారు-బాల్‌పాయింటు" సాక్షాత్తు నా అనుభవమే. చక్రపాణి గారు నడిపిన "యువ" పత్రికకు ప్రతి దీపావళికి నేనొక కథ ఇవ్వాల్సిందే. అదొక నియమం.

కవిత్వం, కథల తర్వాత చాలా ఇష్టమైనది పెయింటింగ్ చేయడం. ఎన్నో వేశాను. బావున్నాయంటారంతా. బాగుంటాయని నాకూ తెలుసు. ఆ తర్వాత వ్యవసాయం అన్నా ఇష్టమే. మనం వేసిన విత్తనాలు మొలకెత్తి, చెట్లై, పూలు పూసి, కాయలు కాసి ఆ వైభవం చూసినప్పుడు నాకు అందులో మరకత మీనాక్షి దర్శనమిస్తుంది.

పెర్ల్.ఎస్.బక్ రాసిన ' మై సెవరల్ వరల్డ్స్ ' అనే నవల అనువాదం చేశాను. ఆవిడ రచనలంటే నాకు చాలా ఇష్టం. ' నో మ్యాన్ వాంట్స్ ఏ గాడెస్ టు బి హిజ్ వైఫ్ ' అన్న ఆవిడ కొటేషన్ మావారికి చాలా ఇష్టం. ఆడదాన్లో కొంచం అజ్ఞానం, అమాయకత్వం ఉంటేనే మగవాడు భరిస్తాడు. అంతేకానీ ఇంటెలెక్చువాలిటీతో నిర్మొహమాటంగా ముందుకు సాగిపోయే స్త్రీ మూర్తిని భరించలేడు. ఇది నాకు తెలిసిన సత్యం. అందుకే ప్రపంచాన్నే శాసించిన నేను మావారి వెనకాలే నడిచాను.

వివాహ బంధం - నీటిలోన నింగిలోన

2011-06-05T11:00:00.004+05:30

అత్తగారు జపాన్‌యాత్ర ఆడియో

2011-05-23T11:15:00.004+05:30

అత్తగారి కథల్లో ఒకటైన "అత్తగారు జపాన్‌యాత్ర" ఆడియో రూపంలో వినండి.

55 వసంతాల చింతామణి

2011-05-06T09:06:00.003+05:30

‘మోహం మనిషిని పిచ్చివాడిని చేస్తుంది’, ‘ఎవరి పిచ్చి వారికి ఆనందం’ అనే సత్యాలను ప్రతిబింబించే విధంగా నిర్మించిన భరణీ సంస్థ వారి మకుటాయమానమైన తెలుగు చిత్రరాజం ‘చింతామణి’ విడుదలై 55 వసంతాలను పూర్తి చేసుకుంది. ఏప్రిల్ 11వ తేదీ నాటికి ‘చింతామణి’ 56వ వసంతంలోకి అడుగిడింది. బహుముఖ ప్రజ్ఞాశాలి భానుమతి ‘చింతామణి’గా అనన్యసామాన్య నటనను ప్రదర్శించిన చిత్రం చింతామణి. భానుమతి నటించిన 22వ చిత్రం ఇది. భానుమతి భర్త రామకృష్ణ ఈ సినిమాకు దర్శకత్వం వహించారు. రామకృష్ణ దర్శకత్వంలో ఎన్‌టిరామారావు తొలిసారిగా నటించిన చిత్రం ‘చింతామణి’. ఎన్టీరామారావు, భానుమతిలు కలిసి నటించిన ఎనిమిదవ చిత్రం చింతామణి. 20వ దశాబ్దంలోని మూడవ దశకంలోని సామాజిక సమస్యల ఆధారంగా అప్పటి కవి కాళ్లకూరి నారాయణరావు రచించిన చింతామణి నాటకం ఊరూరా నేటికీ ప్రదర్శితమవుతూనే ఉంది. ‘కాళిదాసు కవిత్వం కొంత నా పైత్యం కొంత’ అన్నట్టుగా చౌకబారు సంభాషణలతో, అసభ్య ఆంగిక వాచకాలతో చింతామణి నాటకాన్ని ఎవరి ఇష్టం వచ్చినట్టుగా వారు ఇప్పటికీ ప్రదర్శిస్తూనే ఉన్నారు. అయితే 1956 ప్రాంతంలో నిర్మించబడిన భరణీవారి ‘చింతామణి’ చిత్రం ఎంతో ఉదాత్తంగా , హృద్యంగా చిత్రీకరించబడింది. చింతామణి పాత్రను భానుమతిని దృష్టిలో పెట్టుకుని భక్తురాలిగా మారిన పరిణతి చెందిన వేశ్యగా ఉదాత్తంగా చిత్రీకరించారు. ఎన్టీరామారావు (బిళ్వమంగళుడు), జమున (రాధ), ఎస్‌విరంగారావు (్భవానీ శంకరుడు), రేలంగి వెంకట్రామయ్య (సుబ్బిశెట్టి), రఘురామయ్య (శ్రీకృష్ణుడు), వి.కామరాజు (వాసుదేవమూర్తి), దేవి (చిత్ర), ఎ.నారాయరావు (దామోదరుడు), ఛాయాదేవి (మణి), ఋష్యేంద్రమణి (శ్రీహరి) ప్రభృతులు తమ అసమాన నటనా ప్రతిభతో రక్తికట్టించారు. టివిరాజు నేపథ్య సంగీతాన్ని, అద్దేపల్లిరామారావు సంగీతాన్ని అందించగా భానుమతి సంగీత పర్యవేక్షణ వహించారు. రావూరి వెంకట సత్యనారాయణరావు గీతరచన చేయగా శ్రీ్ధర్ ఛాయాగ్రహణం నిర్వహించిన ఈ చిత్రానికి నిర్మాత, దర్శకత్వ బాధ్యతలను పి.రామకృష్ణ చేపట్టారు. 11 ఏప్రిల్ 1956న విడుదలైన ‘చింతామణి’ చిత్రం 55 వసంతాలను పూర్తి చేసుకున్న ఓ కళాఖండం.

ఈ సినిమాలోని అద్భుతమైన రావోయి రావోయి ఓ మాధవా పాట కింద చూడండి.

విప్రనారాయణ - సావిరహే తవదీనా

2011-04-16T10:00:00.001+05:30

నాలో నేను - 4

2011-04-04T11:00:00.003+05:30

జ్యోతిశాస్త్రం మీద యాభై ఏళ్ళుగా కృషి చేస్తున్నాను. నేను నా నమ్మకాలు వమ్ము కాలేదు. హస్త సాముద్రికం కూడా కొంత పట్టుబడింది. మన జీవితాల్ని నవగ్రహాలు మన జననకాలాన్ని బట్టి తిప్పుతుంటాయి. మనిషి చేతుల్లో మనిషి జీవితం ఉండదని నా నమ్మకం.

జీవితంలో ఆధ్యాత్మిక ఆస్తిని మించిన ధనం లేదని తెలుసుకున్నాను. నా అదృష్టం వలన శృంగేరి శంకరాచార్యులవారు నాకు మంత్రోపదేశం చేశారు. నేను శ్రీచక్రోపాసకురాలిని. ఆ తర్వాత నవాక్షరి, దేవి సప్తశతి పారాయణం అనుగ్రహించారు. నాటి నుంచి ఏనాడు అనుష్టానం మానుకోలేదు. నిరంతరం నా నీడగా, శక్తిగా నాలోని వెలుతుగా ఉన్నది ఆ శ్రీచరణానుగ్రహమే.

మరి కొన్ని సంగతులు తరువాతి టపాలో.

మంగమ్మగారి మనవడు - శ్రీ సూర్యనారాయణా మేలుకో

2011-03-21T10:03:00.002+05:30

షష్ఠి పూర్తి ముంగిట్లో మల్లీశ్వరి

2011-03-14T10:25:00.006+05:30

1951లో ఎన్.టి.రామారావు,భానుమతి నటించిన ‘మల్లీశ్వరి’ (డిసెంబర్ 20) విభిన్న కోణాల్లో చిరస్మరణీయమైన ఆణిముత్యంగా నిలిచిపోయింది. అరవై ఏళ్ల కిందట విడుదలైనా నేటికీ రసజ్ఞ ప్రేక్షక లోకానికి తీయని అనుభూతులు అందిస్తూనే ఉంది. క్లాసిక్స్ అన్న మాటకు నిర్వచనం మల్లీశ్వరి.

వాహిని వారి చిత్రం ‘మల్లీశ్వరి’.ఈ చిత్రానికి స్క్రీన్‌ప్లే, నిర్మాత, దర్శకుడు బి.ఎన్.రెడ్డి.
మల్లీశ్వరి చిత్రానికి మాటలు, పాటలు రాసి సినీ రంగ ప్రవేశం చేసారు దేవులపల్లి కృష్ణశాస్ర్తీ, సంగీతాన్ని సాలూరు రాజేశ్వరరావు అందించగా సహకరించారు అద్దేపల్లి రామారావు. కెమెరా ఆది యం.ఇరాని, బి.ఎన్.కొండారెడ్డి.
చారిత్రక నేపథ్యం కల ‘మల్లీశ్వరి’ చిత్రానికి రాయలనాటి కాలం గుర్తుకు వచ్చేలా సెట్టింగ్స్ రూపొందించారు ఎ.కె.శేఖర్.
మల్లీశ్వరి చిత్రానికి బుచ్చిబాబు రాసిన రేడియో నాటిక ‘రాయలవారి కరుణకృత్యం’, ఇలస్టేటెడ్ వీక్లీలోని మరో కధ.

కథా కథనాలు:

వీరాపురంలో పద్మశాలి కుటుంబాలు ఎక్కువ. ఆ కుటుంబాలకు చెందిన అన్నా చెల్లెళ్ల పిల్లలు నాగరాజు, మల్లీశ్వరి. బావ మరదళ్లు చిన్నతనంనుంచి అన్యోన్యంగా పెరిగారు.
ఓరోజు సంతకు వెళ్లి తిరిగి వస్తూ వర్షంవల్ల ఓ సత్రంలో తలదాచుకుంటారు. మల్లీశ్వరి జావళి నృత్యాన్ని చూసి ఆనందిస్తాడు నాగరాజు. మారువేషంలో అదే సత్రంలో ఆగిన శ్రీకృష్ణదేవరాయలు, వారి ఆస్థాన కవి బృందం కూడా ఆ నృత్యాన్ని చూసి ఆనందపడతారు. తెలియక అమాయకత్వంతో వారిని విజయనగరంనుంచి రాణివాసం పల్లకి పంపమని కోరతాడు నాగరాజు.
మల్లీశ్వరి తల్లికి డబ్బు ఆశ ఎక్కువ. అది సంపాదించడం కోసం నాగరాజు ఊరువిడిచి వెడతాడు. ఈలోగా పల్లకి వచ్చి మల్లీశ్వరి రాణివాసానికి వెళ్లిపోతుంది. తిరిగి వచ్చిన నాగరాజు హతాశుడై విరాగిగా శిల్పాలు చెక్కుతూ ఒక బృందంతో కలిసి విజయనగరం చేరతాడు. ఒకనాడు మంటప నిర్మాణం చూడడానికి వచ్చిన మల్లీశ్వరి బావను గుర్తిస్తుంది. మరునాడు వారిరువురు నదీ తీరాన కలుస్తారు. అక్కడనుంచి ఆ మరునాడు తప్పించుకుని వెడదామని అనుకుంటారు. ఎంతకూ రాని మల్లీశ్వరికై సాహసించి కోటలో ప్రవేశించిన నాగరాజును, మల్లీశ్వరి బంధిస్తారు సైనికులు.
అందుకై మరణశిక్ష పడవలసి వున్నా, రాయలవారు పెద్ద మనసుతో వారిని క్షమించి వదిలేయడంతో ప్రేమకథ సుఖాంతమవుతుంది.

నటీనటులు:

ఈ చిత్రంలో కథానాయకుడు రామావు. విషాద భావ ప్రకటనకు అవకాశం ఎక్కువ. ఈ పాత్ర సానబట్టిన వజ్రంగా ఎన్టీఆర్‌ను మలిచింది. మల్లీశ్వరి నాయిక భానుమతి ఎన్నో షేడ్స్ కూడిన పాత్రకు తన గానం, అభినయంతో ప్రాణం పోసారు.
మల్లీశ్వరిలో, మల్లీశ్వరి ఇష్ట సఖిగా నాగరాజు, మల్లీశ్వరిని కలిపే ప్రయత్నంలో ‘ఝుం, ఝుం, ఝుం తుమ్మెదా’ అంటూ నటిస్తూ, గానం చేసారు. తొలి తెలుగు కథానాయిక సురభి కమలాబాయి పాతాళ భైరవిలో తోటరాముని తల్లిగాను, మల్లీశ్వరిలో పొరుగింటి ఇల్లాలు ‘బసక్క’గాను నటించారు.

సంగీత సాహిత్యాలు:

మల్లీశ్వరి మాటలు పాత్రోచితంగా గంభీరంగా ఉంటాయి. మల్లీశ్వరి చిత్రంలో సినీ గీతాలకు కావ్య గౌరవం లభించిందని ప్రశంసించారు తాపీ ధర్మారావు. చిత్ర గీతాలన్నీ రసజ్ఞ శ్రోతల హృదయాలను అలరిస్తున్నాయి. ‘కోతి బావకుపెళ్లంట’, ‘పరుగులు తీయాలి’, ‘పిలిచిన బిగువటరా’, ‘మనసు తెలిసిన మేఘమాలా’,‘ఔనా నిజమేనా’, ‘ఎందుకే నీకింత తొందర‘, ‘నెలరాజా’ ఇవన్నీ ఒక ఎత్తు, ‘మనసున మల్లెల మాలలూగెనే’ మరో ఎత్తు. ఆ గీతాలు ఉదాత్త రచనతో సముదాత్త సంగీతంతో ఘంటసాల, భానుమతి గానంతో చిరంజీవులైనాయి.

ఈ చిత్రానికి పనిచేసిన వారిలో చాలామంది కీర్తిశేషులు కాగా ఇందులో నటించిన టి.జి.కమలాదేవి చెన్నైలో విశ్రాంత జీవితాన్ని గడుపుతున్నారు.

భానుమతిగారి పాత స్టిల్ల్స్ రంగుల్లో

2011-03-05T11:13:00.001+05:30

భానుమతిగారి పాత స్టిల్ల్స్ రంగులు అద్దిన తరువాత

మట్టిలో మాణిక్యం - శరణం నీ దివ్య చరణం

2011-03-01T11:11:00.000+05:30

నాలో నేను - 3

2011-02-16T08:00:00.000+05:30

మావారు నన్ను రాణీ అని పిలిచేవారు. పెళ్ళైన రెండోరోజున అయనకు తల్లి తర్వాత తల్లిలాంటి మనపాక కమలమ్మగారితో ఏదో మాట్లాడుతున్నాను. మావారు నన్ను ఎలా పిలవాలో తెలయక, వాళ్ళ అమ్మగారిని వాళ్ళ నాన్నగారు పిలిచినట్టు 'ఏమేవ్' అని మెల్లగా పిలిచారు. అది విన్న కమలమ్మగారు ఏమిటా పిలుపంటూ మందలించేసరికి మావారు గతుక్కుమన్నారు. ఏదో తప్పు చేసినట్టు. ఆరోజు సాయంకాలం నా దగ్గరకొచ్చి రాణీ అని రహస్యంగా పిలిచారు. నేను ఆశ్చర్యంగా ఆయన వైపు చూశాను. నీ పేరు పెట్టి పిలవడం ఇబ్బందిగా ఉంది. అందుకే నేను రాణీ అని పిలుస్తాను అన్నారు నన్ను దగ్గరకు తీసుకుంటూ. ఆ క్షణం నా జీవితంలో మరపురాని క్షణం.

ఎన్నో పుస్తకాలు, ప్రాచీన వేద ఉపనిషత్తులు చదివినా నాకు హాస్యమంటేనే ఇష్టం. మునిమానిక్యం నరసింహారావు, ధనికొండవారి రచనలు ఇష్టం. నాకు ఏడుపు గిట్టదు. చంద్రమతి పాత్రకు నన్ను తీసుకుందామని ఎవరో చక్రపాణిగారితో అంటే ఆయన భానుమతి ఏడిస్తే ఎవరు చూస్తారు. భానుమతి ఎవరినన్నా ఏడిపిస్తే చూస్తారుగానీ అని జోక్ చేశారు కూడా.

మరి కొన్ని సంగతులు తరువాతి టపాలో.

అంతస్తులు - వినరా విస్సన్న

2011-01-30T16:14:00.000+05:30

నాలో నేను - 2

2011-01-11T11:11:00.005+05:30

నాకు మధ్య తరగతి జీవనమే ఇష్టం. పెళ్ళైన కొత్తలో మాంబళం (మద్రాసు) మహాలక్ష్మి స్ట్రీట్ ఇంటి నెంబరు 12లో ఉండేవాళ్ళం. పదిహేను రూపాయలు అద్దె. ఆ రోజుల్లో మేమిద్దరం చూసిన ఇంగ్లీష్, హిందీ సినిమాలు, తిన్న ఐసుక్రీములు , తిరిగి ఇంటికి రావడానికి మౌంట్ రోడ్డులో పదకొండో నెంబరు బస్సుకోసం వెయిట్ చేయడం, అది రాకపోతే మళ్ళి సినిమాకెళ్ళడం ఇప్పటికి నా స్మృతి పధంలో మెదులుతాయి. ఈ రోజుల్లో కార్లు, బంగళాలు ఇవ్వలేని సుఖశాంతులు ఆ రోజులు నాకందించాయని ఇప్పటికీ నమ్ముతుంటాను.

రామారావుగారంటే నాకు చాలా గౌరవం. చాలాసార్లు నా దగ్గర సలహాలు తీసుకొనేవారు.నాకు రఘుపతి వెంకయ్య అవార్డు ఇచ్చినప్పుడు నా చేతికి బంగారు కంకణాన్ని తోడిగారు. ఆయన ముఖ్యమంత్రి అయిన తరువాత హైదరాబాదులో నన్ను ఘనంగా సన్మానించారు. ఇంటికి ఎప్పుడు వెళ్ళినా అత్తయ్య వచ్చిందంటూ పిల్లలందరినీ పిలిచి కాళ్ళకు నమస్కారం చేయించేవారు.

నాకు మొదటినుంచి కర్ణాటక సంగీతం అంటే చాలా ఇష్టం. మా సొంత సినిమాల్లో కచ్చితంగా క్షేత్రయ్య పదమో, త్యాగరాజ కీర్తనో, జయదేవాష్టపదో పెట్టేదాన్ని. అది నేను మా నాన్నగారికి చేసిన వాగ్దానం. అదొక శాసనంగా తీసుకున్నాను. త్యాగరాజ కీర్తనలు సినిమాల్లో పెడితే ఎవరు చూస్తారు. సిగరెట్లకి బయటకు వెళతారు అని మా వారు విసుక్కునేవారు.

మరి కొన్ని సంగతులు తరువాతి టపాలో.

పల్నాటి యుద్ధం - నాయకురాలు నాగమ్మ

2011-01-02T10:43:00.005+05:30

నాలో నేను - 1

2010-12-15T12:12:00.000+05:30

భానుమతి గారు చెప్పిన కొన్ని సంగతులు

నాకు సినిమాలలోకి రావడం ఇష్టం లేదు. ఆ వృత్తి అంత గౌరవనీయమైనది కాదని అప్పట్లో నా అభిప్రాయం. నా గొంతు ఆంధ్రదేశమంతా వినిపించాలన్న తపనతొ మా నాన్నగారే సినిమాలకు ఒప్పుకున్నారు. మొదటి సినిమా వరవిక్రయం నాటికి నాకు పన్నెండేళ్ళు. చాలా బిడియంగా ఉండేదాన్ని. మగవాళ్ళెవరూ నన్ను ముట్టుకోకూడదని షరతు పెట్టారు మా నాన్నగారు.

నేను విశ్వనాథ కవిరాజు శిష్యురాలిని. పద్యం రాయటం ఆయన దగ్గర నేర్చుకున్నాను. ఆయన నాచేత మొదట రాయించిన కథ "మరచెంబు". అప్పుడు నాకు పధ్నాలుగో ఏడు నడుస్తోంది. పద్దెనిమిదో ఏటికల్లా గంటకు వంద పద్యాలు రాయగలిగేదాన్ని. ఆటవెలది, తేటగీతి, ఉత్పలమాల, చంపకమాల, ఇలా అన్నింటిలో పద్యాలు చెప్పేదాన్ని. మత్తేభం మాత్రం నాకు లొంగేది కాదు.

"భక్తిమాల" లో నాది నృత్యప్రధానమైన పాత్ర.వెంపటి పెదసత్యంగారు గురువు. అప్పుడు డ్యాన్సు అంటే ఇష్టముండేది కాదు.బిడియపడేదాన్ని. ఎలాగో కష్టపడి చేశాను. నేను ఆ చిత్రంలో ఏ భంగిమలో నిలబడ్డా కీళ్ళనొప్పులతో బాధపడుతున్నట్లు ఉండేది. ఆ స్టిల్ వేసి "కీళ్ళనొప్పుల భంగిమల భానుమతి" అని ఢంకా ఆచారి తన పత్రికలో ప్రచురించాడు కూడా.

మరి కొన్ని సంగతులు తరువాతి టపాలో.

రామకృష్ణ ప్రేమగా మారిన "కృష్ణప్రేమ''

2010-11-02T12:16:00.004+05:30

ఫేమస్‌ అండ్‌ స్టార్‌ కంబైన్సు వారు నిర్మించిన "కృష్ణప్రేమ'' 1943లో విడుదలయ్యింది. టి. సూర్యకుమారి, పి. భానుమతి, పి. శాంతకుమారి, అద్దంకి శ్రీరామ్మూర్తి నటించి ఎంతో కమ్మగా పాటలు పాడి ఈ చిత్రాన్ని ఒక సంగీతసభగా తీర్చిదిద్దారు. గాలిపెంచల, బలిజేపల్లి ఈ చిత్రానికి సంగీత సాహిత్యాలు. ఈ చిత్రానికి దర్శకుడు హెచ్‌.వి. బాబు. 1903లో జన్మించిన హెచ్‌.వి. బాబు బొంబాయికి చెందిన కోహినూర్‌ ఫిల్ము కంపెనీ ద్వారా నటుడుగా చిత్రరంగంలో ప్రవేశించారు. తర్వాత తన బావగారైన హెచ్‌.ఎం.రెడ్డి ద్వారా ఇంపీరియల్‌ ఫిల్మ్‌ కంపెనీలో అసిస్టెంటు డైరెక్టర్‌గా చేరారు. సినిమా ఆర్టిస్టుల నుంచి నటనను ఎలా రాబట్టుకోవాలో ఆయనకు బాగా తెలుసు. సహనపరుడుగా ఆయనకు మంచి పేరుండేది. ఈ "కృష్ణప్రేమ'' చిత్రానికి సహకార దర్శకునిగా పనిచేస్తున్న రామకృష్ణకు, అందులో కథానాయిక భానుమతికి పరిచయం పెరిగి, అది ప్రణయంగా మారి పరిణయానికి దారి తీసింది. దాంతో అప్పట్లో "కృష్ణప్రేమ, రామకృష్ణప్రేమ''గా మారిందని జోక్‌ చేసేవారు.

మరికొంత సమాచారానికి కింద ఉన్న ఇమేజ్ మీద నొక్కండి.

ప్రతిభామూర్తి భానుమతి

2010-10-06T12:14:00.006+05:30

చలనచిత్ర పరిశ్రమలోనూ, సాహితీరంగంలోనూ విశిష్ఠమైన వ్యక్తి భానుమతీరామకృష్ణ. అందువల్లనే ఆల్‌రౌండర్‌ కాగలిగారు. తొలుత తన 13వ ఏటనే తండ్రి నుంచి సంగీతాన్ని అభ్యసించారు. సినీరంగంలోకి అడుగిడినా చాలకాలం తండ్రికూచిగానే వ్యవహరించారు. 14వ ఏట 'వరవిక్రయం' చిత్రంలో నటిగా చిత్రరంగ ప్రవేశం చేసారు. అసిస్టెంట్‌ డైరక్టర్‌ రామకృష్ణని ప్రేమించి పెళ్ళి చేసుకున్నారు. పరుల సహకారంతో పెళ్ళి అయ్యాక సాధారణంగా గృహ జీవితంలో తృప్తిపడతారు మహిళలు. భానుమతి అలాకాకుండా నటనను కొనసాగించారు కొంత గ్యాప్‌ యిచ్చి.

భరణి సంస్థను నెలకొల్పి 'రత్నమాల' చిత్రాన్ని తొలిసారిగా నిర్మించి 1947లో విడుదల చేసారు. భరణి స్టూడియోస్‌ని నెలకొల్పారు. తెలుగు, తమిళ, కన్నడ, హిందీ చిత్రాల్లో నటించారు. పాటలు పాడారు. అంతేకాదు సంగీత దర్శకురాలిగా, దర్శకురాలిగా, చిత్రకారిణిగా, జ్యోతిష్కురాలిగా ప్రజ్ఞా పాటవాలు చూపారు. ఇక రచయిత్రిగా అత్తగారి కథలు ఆంధ్ర ప్రదేశ్‌ సాహిత్య అకాడమీ అవార్డుని పొందింది. 'నాలో నేను' అనే స్వీయ చరిత్ర ఉత్తమ జీవితచరిత్రగా కేంద్రప్రభుత్వం నుంచి అవార్డుని తెచ్చింది.

మద్రాసు సంగీత కళాశాల ప్రిన్సిపాల్‌గా పనిచేసారు. ఆ ప్రభుత్వం నుంచి కలైమామణి బిరుదునీ పొందారు. రాష్ట్రప్రభుత్వం రఘుపతి వెంకయ్య అవార్డుతో సత్కరించింది. శ్రీ వెంకటేశ్వర, ఆంధ్ర విశ్వవిద్యాలయాలు 'డాక్టరేట్‌'తో గౌరవించాయి. 1999లో జరిగిన అంతర్జాతీయ బాలల చలన చిత్రోత్సవం న్యాయ నిర్ణేతల సంఘ అధ్యక్షురాలిగా వ్యవహరించారు. కేంద్ర ప్రభుత్వం పద్మశ్రీతో సత్కరించింది. భానుమతి జయంతి సెప్టెంబరు 7.

పల్నాటి యుద్ధం - యుద్ధానికి ముందు సన్నివేశం

2010-09-20T12:46:00.001+05:30

దటీజ్ భానుమతి

2010-09-02T12:30:00.007+05:30

చదవటానికి ఇమేజ్ మీద నొక్కండి

అత్తగారు - జపాన్ యాత్ర

2010-08-23T12:04:00.002+05:30

బహుముఖ ప్రజ్ఞకు మరో పేరు భానుమతి!

2010-08-05T12:35:00.001+05:30

భానుమతి పేరు వినగానే ఆమె బహుముఖ ప్రజ్ఞ ముందుగా మన స్మృతిపథంలో మెదలుతుంది. నటిగా, రచయిత్రిగా, సంగీత దర్శకురాలిగా, దర్శకురాలిగా, కథకురాలిగా, గాయనిగా, నిర్మాతగా, స్టూడియో అధినేతగా... ఇలా పలు విధాలా తన ప్రతిభాపాటవాలను ప్రదర్శించిన మరోనటిని మన భరతభూమిలో చూడబోము. అహంభావాన్ని కూడా అందంగా ప్రదర్శించే నేర్పు భానుమతి సొంతం! అందుకు ఆమె బహుముఖప్రజ్ఞ కంచుకవచంలా నిలచి ఆ అందానికి మరిన్ని మెరుగులు దిద్దుతూ ఉంటుంది. అదే ఆమెను అందరిలోకి మిన్నగా నిలిపింది.

భానుమతికి ప్రతిష్ఠాత్మకమైన అవార్డులు రావాలని ఆమె అభిమానులు అభిలషించవచ్చు. దాదా సాహెబ్‌ ఫాల్కే వంటి అవార్డును ఆమెకు ప్రదానం చేయలేదని చింతిల్లనూ వచ్చు. ఆమెలోని బహుముఖప్రజ్ఞాపాటవాలలో ఒక్కోదానికి ఒక్కో ప్రతిష్ఠాత్మక గౌరవం లభించితీరాలి. మరి ఒక్క ఫాల్కేనే ఇస్తే ఎలా!? ఆ స్థాయి ఉన్న అవార్డులు ఎన్నో ఆమెను చేరాలి. ఆమెకు లభించిన అవార్డులన్నీ ఆమె ప్రతిభాపాటవాలను చూసి మురిసిపోయి పరుగులు తీస్తూ వచ్చి వడిలో వాలినవే తప్ప ఏనాడూ ఆమె అర్రులు చాచి అవార్డులకై పాకులాడింది లేదు. అలా అయితే ఆమె భానుమతి ఎందుకవుతుంది!? ఏ కళాకారులకైనా ప్రజల మన్ననలను మించిన అవార్డులేముంటాయి. భానుమతిలోని ప్రతి కళకు జనం నీరాజనాలు పట్టారు. అంతకంటే ఏం కావాలి? అందుకే ఆమెకు ఏదైనా అవార్డు నిస్తే 'ఈ అవార్డు ఆమెకు ఎప్పుడో రావలసింది' అని ఇచ్చేవారే నొచ్చుకున్న సందర్భాలెన్నో ఉన్నాయి. బహుశా ఫాల్కే అవార్డు విషయంలో కూడా నిర్ణేతలు ఇలాగే భావించారేమో! ఆమె అభిమానులు ఆశించినన్ని అవార్డులు రివార్డులు రాకున్నా భానుమతి ప్రజ్ఞాపాటవాలే ఆమెకు ఎనలేని గౌరవాన్ని ప్రేక్షక హృదయాలలో సంపాదించి పెడుతున్నాయి. అంతకంటే ఓ కళాకారిణికి ఏం కావాలి!?

1924 సెప్టెంబర్‌ 7న (భానుమతి స్వయంగా 'పెళ్ళికానుక' షూటింగ్‌ సమయంలో చెప్పిన తేదీ) భానుమతి ప్రకాశం జిల్లా అద్దంకి తాలూకా దొడ్డవరం గ్రామంలో జన్మించారు. ఆమె తండ్రి బొమ్మరాజు వెంకట సుబ్బయ్య. సంప్రదాయ కుటుంబం కావడం వల్ల బొమ్మరాజువారు తన కూతురుకు చిన్నతనంలోనే భాషాపాండిత్యాన్ని, లలితకళలను అభ్యసింప చేశారు. చిరుతప్రాయంలోనే భానుమతి రామాయణ, భారతాల్లోని పద్యాలను శ్రావ్యంగా ఆలపించేవారు. అలాగే చిన్నతనంలోనే రచనలు చేసి, తన తండ్రి స్నేహితులైన మేటి పండితులను అబ్బుర పరిచారు. నాట్యంలోనూ అతి తక్కువ సమయంలో ప్రావీణ్యం సంపాదించారు. సుబ్బయ్య కూతురి ప్రతిభాపాటవాలను చూసి ఇరుగు పొరుగువారు సైతం మురిసిపోయేవారు.

పదమూడేళ్ళ ప్రాయానికే భానుమతి తన అందచందాలతో యువకుల మతులు పోగొట్టేది, ఆ సమయంలోనే తన ప్రతిభాపాటవాలతో పండితుల ప్రశంసలూ అందుకునేది. ఆమె గురించి ఆ నోటా, ఈ నోటా విని సి.పుల్లయ్య తన దర్శకత్వం లో రూపొం దిన 'వరవిక్రయం' (1939) చిత్రం ద్వారా భానుమతిని సినిమా రం గానికి పరిచ యం చే శారు. సు బ్బయ్య మ రీ ఛాందసులు కావడంతో తన కూ తురుపై చిత్రీకరించే ప్రేమ సన్నివేశాల్లో కౌగిలింతలు ఉండరాదని షరతు పెట్టేవారు. అందుకు అంగీకరించిన వారి చిత్రాల్లోనే భానుమతిని నటింప చేసేవారు. అదే భానుమతికి అలవాటయింది. అందుకే ఆ తరువాతి కాలంలో కూడా భానుమతిని కౌగిలించుకోవడానికి హీరోలు సంశయించేవారు. అయితే పాత్రకు అనుగుణంగా నటించడానికి తన సహ నటీనటులను హుషారు పరచడంలోనూ ఆమె ముందుండేవారు.

తనకు మర్యాద లభించకుంటే ఎంతటివారినైనా ఆమె లెక్క చేసేది కాదు. ఆ రోజుల్లో కొందరు దర్శకులు తామే అందరికంటే మిన్న అన్న భావనతో హీరోయిన్లను చులకనగా 'ఒసేయ్‌, ఏమే...' అంటూ పిలిచేవారు. ఓ తమిళచిత్రం షూటింగ్‌లో దర్శకుడు భానుమతిని అలాగే "ఏమిటే... డైలాగ్‌ చూసుకున్నావా!?'' అన్నాడు. అంతే ఆత్మాభిమానం మెండుగా ఉన్న భానుమతి, "ఏమిట్రా... డైలాగు చూసుకునేది?'' అని అనేసరికి, సదరు దర్శకునికి, చుట్టు పక్కల ఉన్నవారికి మతిపోయింది. అప్పటి నుంచీ ఆమె అంటే చాలామందికి హడల్‌. అయితే తనను గౌరవించేవారిని, ఆమె కూడా ఎంతో గౌరవించేవారు. దటీజ్‌ భానుమతి అని నాటి సినీప్రముఖులే ఆమెను ఎంతో గౌరవించేవారు. ఆమె వ్యక్తిత్వం భిన్నమైనది. తన ప్రతిభాపాటవాలతోనే తన జీవితాన్ని నిర్మించుకున్న భానుమతి పెళ్ళి విషయంలోనూ ఆ రోజుల్లోనే తన మనసుకు నచ్చినవాణ్ణే మరీ వరించింది. నాటి అసిస్టెంట్‌ డైరెక్టర్‌ పి. రామకృష్ణను ప్రేమించి పెళ్ళి చేసుకుంది. తరువాత దర్శకునిగా రామకృష్ణ, నిర్మాతగా ఆమె తమ 'భరణీ స్టూడియోస్‌' ద్వారా పలు చిత్రాలను రూపొందించారు.

నటిగా...
తొలి చిత్రం 'వరవిక్రయం'లోనే నటిగా తన ప్రతిభను చాటుకున్నారామె. 'కృష్ణమ్మ' చిత్రం షూటింగ్‌ సమయంలోనే రామకృష్ణను ఆమె ప్రేమించి పెళ్ళి చేసుకున్నారు. తరువాత కొంత కాలం నటనకు దూరంగా ఉన్నా, బి.యన్‌. రెడ్డి ప్రోద్బలంతో, భర్త ప్రోత్సాహంతో ఆమె 'స్వర్గసీమ'లో నటించారు. ఇందులో ఆమె పోషించింది వాంప్‌ పాత్రే అయినా, ఎక్కువ మార్కులు సంపాదించుకోగలిగింది. ఆ తరువాత "మల్లీశ్వరి, లైలామజ్నూ, చండీరాణి, విప్రనారాయణ, తెనాలి రామకృష్ణ, బొబ్బిలియుద్ధం, పల్నాటియుద్ధం, అంతస్తులు, అగ్గిరాముడు, వివాహబంధం, తోడు-నీడ, గృహలక్ష్మి, మట్టిలో మాణిక్యం, అంతా మనమంచికే'' తదితర చిత్రాలలో అనితర సాధ్యమైన అభినయాన్ని ప్రదర్శించారు. చాలా ఏళ్ళ తరువాత 1984లో కోడి రామకృష్ణ, 'భార్గవ్‌ ఆర్ట్‌ ప్రొడక్షన్స్‌' గోపాల రెడ్డి అభిలాష మేరకు 'మంగమ్మగారి మనవడు' చిత్రంలో మంగమ్మ పాత్రను పోషించారు. ఆ తరువాత "అత్తగారూ స్వాగతం, ముద్దుల మనవరాలు, సమ్రాట్‌ అశోక, మొరటోడు నా మొగుడు, బామ్మమాట బంగారుబాట, పెద్దరికం, పెళ్ళికానుక'' వంటి చిత్రాల్లో నటించారు. ఏ పాత్ర పోషించినా, అందులో తనదైన పంథాను ప్రవేశపెట్టి అభినయించి, తనకు తానే సాటి అనిపించుకోవడం ఆమెకే చెల్లింది.

నిర్మాతగా...
భానుమతి తరంలో మేటి హీరోలయిన యన్‌.టి.రామారావు, అక్కినేని నాగేశ్వరరావు ఇద్దరూ వీరి 'భరణీ సంస్థ'లో నటించారు. ఏయన్నార్‌ ఈ సంస్థ పర్మినెంట్‌ హీరో. ఆయన హీరోగా "రత్నమాల, లైలా మజ్నూ, చక్రపాణి, విప్రనారాయణ, బాటసారి'' వంటి చిత్రాలను నిర్మించారామె. యన్‌.టి.రామారావు హీరోగా "చండీరాణి, వివాహబంధం, అమ్మాయి పెళ్ళి'' వంటి చిత్రాలను రూపొందించారు. ఈ ఇద్దరు హీరోలతో ఆమె సొంత చిత్రాలలోనే కాకుండా ఇతర చిత్రాల్లోనూ నటించారు. ఆ తరువాత 'అంతా మనమంచికే' వంటి చిత్రాలనూ ఆమె నిర్మించారు. 1955లో ఆమె నిర్మించిన 'విప్రనారాయణ' చిత్రానికి జాతీయ అవార్డు లభించింది.

దర్శకురాలిగా...
భానుమతి తన స్వీయదర్శకత్వంలో రూపొందించిన తొలిచిత్రం 'చండీరాణి' (1953). ఈ చిత్రంలో ఆమె ద్విపాత్రాభినయం చేస్తూనే దర్శకత్వం, నిర్మాణం, సంగీత పర్యవేక్షణ వంటి బాధ్యతలనూ నిర్వహించారు. అదీగాక ఈసినిమాను హిందీ, తమిళ భాషల్లో కూడా నిర్మించి, మూడు చిత్రాలను ఒకేసారి విడుదల చేశారు. బహుశా ఈ రికార్డు మరే నటికి ఇప్పటి వరకు సాధ్యం కాలేదనే చెప్పాలి. తరువాత ఆమె దర్శకత్వంలో 'అమ్మాయి పెళ్ళి, అంతామనమంచికే, భక్త ధ్రువ మార్కండేయ' వంటి చిత్రాలూ రూపొందాయి. తన దర్శకత్వంలో యన్టీఆర్‌ హీరోగా చిత్రాలను నిర్మించిన భానుమతి తరువాత ఆయన దర్శకత్వంలో 'తాతమ్మకల', 'సమ్రాట్‌ అశోక'లో నటించారు.

గాయనిగా...
తన పాటలను తానే పాడుకొనే భానుమతి పదమూడేళ్ళ ప్రాయంలో ఏలాంటి మాధుర్యాన్ని పలికించారో, ఏడు పదులు దాటిన వయసులోనూ అదే మాధుర్యాన్ని తన గళంలో పలికించగలిగారు. 'స్వర్గసీమ'లో ఆమె పాడిన "ఓహో హో హో పావురమా...'' పాట ఆ చిత్రవిజయానికి ఎంతగానో తోడ్పడిందంటే అతిశయోక్తి కాదు. ఇక పాటల పందిరిగా రూపొందిన 'మల్లీశ్వరి'లో ఆమె గాత్రంలో జాలువారిన ప్రతి పాటా అమృతమయమేనని నేడు కొత్తగ చెప్పవలసిన పనిలేదు. "సావిరహే తవ...'' (విప్రనారాయణ), "విరితావులలో...'' (లైలా మజ్నూ), "నీ వాలు కనులలో...'' (తెనాలి రామకృష్ణ), "శ్రీకర కరుణాలవాల...'' (బొబ్బిలి యుద్ధం), "రానీ రాజు రానీ...'', "ఎవరు రా నీవెవరురా...'' (అగ్గిరాముడు), "చరణం నీ దివ్య శరణం...'' (మట్టిలో మాణిక్యం), "నేనే రాధనోయి...'' (అంతా మనమంచికే), " ఎవరు కన్నారు ఎవరు కలగన్నారు...'' (తాతమ్మకల), "శ్రీరఘురామా... సీతారామా...'', "శ్రీ సూర్యనారాయణా మేలుకో...'' (మంగమ్మగారి మనవడు) వంటి పాటల్లో ఆమె గాత్రం నేటికీ వీనులవిందు చేస్తుంది.

రచయిత్రిగా...
"చండీరాణి, అంతా మనమంచికే, అమ్మాయి పెళ్ళి'' వంటి చిత్రాలకు ఆమె కథ సమకూర్చారు. కొన్ని చిత్రాలకు రచన చేయడంలో పాలుపంచుకున్నారు. ఆమె రాసిన "నాలో నేను'', "అత్తగారి కథలు'' తెలుగు పాఠకులను ఎంతగానో అలరించాయి.

జ్యోతిషంలోనూ...
సంగీత సాహిత్యాల్లోనే కాకుండా, చిత్రలేఖనం, జ్యోతిషంలో కూడా ఆమెకు ప్రవేశముండేది. మోడరన్‌ థియేటర్స్‌ పతాకంపై టి.ఆర్‌. సుందరం నిర్మించిన 'ఆలీబాబా 40 దొంగలు' చిత్రం షూటింగ్‌ సమయంలో ఆ చిత్ర కథానాయకుడు యమ్‌.జి.రామచంద్రన్‌, ఈమెను చూసి బెరుగ్గా ఉన్న సమయంలో ఆయన బెరుకు పోగొట్టేందుకు భానుమతి చనువుగా ఆయన చేయి తీసుకొని, తనకు తెలిసిన జోస్యం చెప్పారు. ఆ సమయంలో "ఏనాటికైనా నీవు రాజ్యాలేలే రోజుంది...'' అని భానుమతి, రామచంద్రన్‌తో అన్నారు. ఆ తరువాత అది అక్షరసత్యమైందన్న విషయం అందరికీ తెలిసిందే. ఇలా ఆమె బహుముఖ ప్రజ్ఞ అన్ని విధాలా విజయం సాధించింది. కాబట్టి, ఆమెకున్న ప్రతి కళలోనూ ఓ ప్రతిష్ఠాత్మక అవార్డు ఆమెను వరించి తీరాల్సిందే. అయితే ఆ ప్రజ్ఞాశాలి వడిని చేరే అదృష్టం అన్ని అవార్డులకూ ఉండొద్దూ!

అయితే కొన్ని అవార్డుల మాత్రం ఆమెను వెదుక్కుంటూ వచ్చాయి. అలాంటి వాటిలో 'పద్మశ్రీ', 'కలైమామణి', 'యన్టీఆర్‌ జాతీయ అవార్డు' వంటివి ఉన్నాయి. ఏదేమైనా విలక్షణ వ్యక్తిత్వంతో వి'చిత్ర'రంగంలో సలక్షణంగా తనకు తానే సాటి అనిపించుకున్న భానుమతి తెలుగుప్రజల హృదయ సామ్రాజ్యంలో మకుటంలేని మహారాజ్ఞిగా నిత్యాభిషేకాలు జరుపుకుంటూనే ఉంటారన్నది జగమెరిగిన సత్యం! తెలుగు సినిమా చరిత్రలో భానుమతి అధ్యాయానికి సాటిరాగలది మరొకటి ఉదయిస్తుందన్న నమ్మకం ఏ తెలుగువాడికీ ఉండదని బల్ల గుద్ది చెప్పవచ్చు.

------------------ఈ ఆర్టికల్ ఆంధ్రజ్యోతి నుండి గ్రహించడమైనది---------------------

అత్తగారు - నరసమ్మాయణం ఆడియో

2010-07-20T12:04:00.006+05:30

అత్తగారి కథల్లో ఒకటైన "అత్తగారు నరసమ్మాయణం" ఆడియో రూపంలో వినండి.

అత్తగారు - నరసమ్మాయణం

2010-07-05T11:21:00.009+05:30

చదవటానికి కింద ఉన్న ఇమేజ్ మీద నొక్కండి.

పల్నాటి యుద్ధం - రాయబార ఘట్టం

2010-06-21T12:02:00.002+05:30

కారణజన్మురాలు 'భానుమతి'

2010-06-02T12:07:00.002+05:30

భారతదేశం గర్వంచదగ్గ నటీమణుల్లో భానుమతి రామకృష్ణ ఒకరు. నటిగానే కాకుండా గాయనిగా, రచయితగా, నిర్మాతగా, సంగీత దర్శకురాలిగా, దర్శకురాలిగా ఆమె అందుకున్న శిఖరాగ్రాలు అనితరసాధ్యమైనవి. ఏడు దశాబ్దాలు ఆమె సినీకళామతల్లి కి చేసిన సేవలు అజరామరం.

భానుమతి పేరు వినగానే 'మల్లీశ్వరి', 'లైలా మజ్ఞు', 'విప్రనారాయణ', 'స్వర్గసీమ', 'బాటసారి' వంటి అద్భుత చిత్రాలు మన మదిలో మెదిలుతాయి. ఈ చిత్రాల్లో ఆమె నటన అజరామరం. 1925, సెపెంబరు 7న ఒంగోలులో భానుమతి గారు జన్మంచారు. సినిమాల్లో నటించడం అస్సలు ఇష్టం లేని భానుమతి అనుకోకుండా 'పరవిక్రయం' సినిమా ద్వారా నటిగా తెరంగేట్రం చేసారు. 1943లో 'కృష్ణ ప్రేమ' చిత్రంలో నటిస్తుండగా ఆ చిత్రానికి అసిస్టెంట్ డైరెక్టరుగా పనిచేస్తున్న రామకృష్ణను ప్రేమించి వివాహం చేసుకున్నారు. 1946లో ప్రముఖ దర్శకుడు శ్రీ బియన్ రెడ్డి దర్శకత్వంలో వచ్చిన 'స్వర్గసీమ' చిత్రంలో ఆమె నటన ఓ అద్భుతం. ఈ చిత్రంలో ఆమె పాడిన ''ఓహో ఓహో పావురమా" పాట ఆమె చిరునామా అయిందని చెప్పడంలో ఎలాంటి అతిశయోక్తి లేదు.

1947లో తన కుమారుడి పేరిట 'భరణి పిక్చర్స్' ప్రారంభించి తొలి ప్రయత్నంగా తన భర్త రామకృష్ణ దర్శకత్వంలో 'రత్నమాల' అనే చిత్రాన్ని నిర్మించారు. 1953లో దర్శకురాలిగా మారి ఒకే సారి తెలుగు, తమిళ, హిందీ భాషల్లో 'చండీరాణి' అనే చిత్రాన్ని స్వీయ నిర్మాణంలో రూపొందించారు. అంతే కాకుండా టైటిల్ రోల్ ఆమే పోషించడం అప్పట్లో ఓ సంచలనం. ఆమె ఎంత గొప్పనటో అంతే గొప్పగాయని. "కోతి బావకు పెళ్లంట", "ప్రేమే నేరమౌనా", "ఓ బాటసారి నను మరువకోయి", "శ్రీకర కరుణాల" అంటూ ఆమె స్వరం నుండీ జాలువారిన పాటలు నేటికీ అజరామరంగా నిలిచాయి.

తన కెరీర్ లో ఎన్నో విలక్షణమైన పాత్రలను పోషించిన భానుమతి అందుకున్న గౌరవాలు, అవార్డులు అనేకం. 1966లో "పల్నాటి యుద్ధం", "అంతస్తులు" చిత్రాలకు గాను జాతీయ అవార్డును, 1964లో కళైమణి అవార్డుని, 1966లో కేంద్రప్రభుత్వ "పద్మశ్రీ", 1985లో ఆంధ్రప్రదేశ్ ప్రభుత్వం చేత రఘుపతి వెంకయ్య అవార్డుని, 2001లో "పద్మ భూషన్", "ఎన్టీఆర్ జాతీయ అవార్డు"ని...ఇలా ఎన్నో అవార్డులు పొంది సినీసీమను సుసంపన్నం చేసారు. భానుమతి గారిది ఓ విలక్షణమైన మనస్తత్వం. వింతైన ఆలోచనాధోరణి, రాళ్లను సైతం కరిగించగల స్వరం ఆమె సొంతం. అలాంటి కారణ జన్మురాలిని ఓ సారి స్మరించుకోవడం మన కనీసధర్మం.

---------ఈ ఆర్టికల్ థట్స్ తెలుగు నుండి గ్రహించడమైనది.-------------------

అత్తగారు అచ్చుతప్పులు ఆడియో

2010-05-18T12:13:00.007+05:30

అత్తగారి కథల్లో ఒకటైన "అత్తగారు అచ్చుతప్పులు" ఆడియో రూపంలో వినండి.

నటనకు సారమతి భానుమతి

2010-05-05T12:09:00.002+05:30

మనసున మల్లెల మాలలూగెనే పాట వినిపించగానే ఆ పాటకు భానుమతి ఆలాపన నటించిన తీరు ఇప్పటికి రసహృదయాలను పులకింప చేస్తుంది. మల్లీశ్వరి కోసం కృష్ణశాస్త్రి భానుమతిని దృష్టిలో పెట్టుకొని రాసారా, భానుమతిని కళ్లముందు నిలుపుకుని సాలూరి రాజేశ్వరరావు సంగీతం సమకూర్చారా అని అనిపించక మానదు. చిన్నతనం నుండి తండ్రి గారాలపట్టిగా పెరిగిన భానుమతి సంస్కృతం భాగా నేర్పించడంవల్లను సాహిత్యం మీద ఆసక్తి పెంచుకోవడం వల్లను ఆమె మనస్సులో అవి చెరుగని మద్ర వేశాయి.

తను పోషించే పాత్రలకు ఆలపించే గానంకి ప్రాణం పోయగలిగే నేర్పు అలబడింది. ఇదే క్రమ క్రమంగా రచన, సంగీతం, చిత్రకళ, నాట్యకళ, ఇలా వివిధ కళలను ఔపోసన పట్టిన భహుముఖ ప్రజ్ఞాశాలిగా రూపొందడానికి ఆస్కారం ఏర్పడింది. తొలుత నటి కావడానికి ఆమెకు ఏ మాత్రం ఇష్టం లేదు. పాడడానికి మాత్రం ఎప్పుడు సిద్దమే. అయినా తొలిసారి పాటలేకపోవడం వల్ల సినిమా ఛాన్స్‌ గోడవల్లి రామబ్రహ్మం వద్ద మిస్‌ కావడం ఎంతో ఆనందం కలిగించింది ఆమెకు. కాలింది పాత్రకు భానుమతిని పుల్లయ్య గారు ఎంపిక చేసినప్పుడు బలిజెపల్లి గొప్ప రచయిత్రిగా, గాయనిగా , నటిగా కీర్తిప్రతిష్టలు గడించాలని ఆశ్వీర్వదించారు. ఆయన ఆశీర్వాద బలమో ఏమో గాని వర విక్రయం, మాలతి మాధవ , ధర్మపత్ని, భక్తిమాల ఇలా చిత్ర చిత్రానికి భానుమతి నటనకు గానానికి పేరు వచ్చింది. ఛండిరాణి, లైలామజ్ను, విప్రనారాయణ, బాటసారి ఇలా ప్రతి చిత్రంలోను ఆమె నటనకు గానానికి జోహారు అన్నారు ప్రేక్షకులు. తమిళ ప్రేక్షకులు భానుమతి, తమ ఆడపడుచు అని భావించేంత పేరు తెచ్చుకోవడం వలన తమిళనాడు నుండి ఎక్కువ అవార్డులు పొందే అవకాశం లభించింది భానుమతి రామకృష్ణ.

పల్నాటి యుద్ధం - నాగమ్మ కుతంత్రం

2010-04-13T12:10:00.003+05:30

బహుముఖ ప్రతిభాశాలి భానుమతి

2010-03-31T12:04:00.001+05:30

1925 లో సెప్టెంబర్ 7 వ తేదీన, ప్రకాశం జిల్లాలోని దొడ్డవరం గ్రామంలో, బొమ్మరాజు వెంకట సుబ్బయ్య, సరస్వతమ్మ దపతులకు జన్మించిన ఆణిముత్యమే ఈ బహుముఖ ప్రతిభాశాలి భానుమతి. భానుమతి నటి, గాయని, రచయిత్రి, సంగీత దర్శకురాలు, దర్శకురాలు, నిర్మాత, స్టుడియో అధినేత్రి ఇలా అనేక రంగాల్లో సంచలనాలు స్రుష్టించిన తొలి తెలుగు మహిళ భానుమతి.తండ్రి వెంకట సుబ్బయ్య శాస్త్రీయ సంగీత ప్రియుడు, రంగస్థల నటుడు కావటంతో భానుమతికి ఆయనే తొలి గురువు,నటనలో స్ఫూర్తి కూడా. ఆయనే ఆమెకు శాస్త్రీయ సంగీతాన్ని దగ్గరుండి నేర్పించారు. ఆ తర్వాత 1935 లో , పి.పుల్లయ్య దర్శకత్వంలో వచ్చిన "వరవిక్రయం" చిత్రంలో భానుమతి తొలిసారిగా నటిగా తెలుగు సినీ రంగంలో ప్రవేశించారు. తర్వాత మాలతీ మాధవం, ధర్మపత్ని, భక్తిమాల, క్రిష్ణప్రేమ, స్వర్గసీమ, చక్రపాణి, లైలామజ్ఞు, విప్రనారాయణ, మల్లీశ్వరి, బాటసారి, పల్నాటి యుద్ధం, బొబ్బిలి యుద్ధం, అగ్గిరాముడు, తెనాలి రామక్రిష్ణ, అంతస్తులు, మట్టిలో మాణిక్యం, అంతా మనమంచికే, అమ్మాయిపెళ్ళి, మంగమ్మగారి మనవడు వంటి రెండు వందల చిత్రాల్లో ఆమె నటించారు. భానుమతి నటించిన చివరి చిత్రం "పెళ్ళికానుక". .ఆమె సీన్ లో ఉంటే మరో నటి గానీ, నటుడు గానీ కనపడడనే వినికిడి సినీ పరిశ్రమలో ఉండేది. అందుకే ఆనాటి సినీ పరిశ్రమలో భానుమతికి "అష్టవర్థిని"అనే బిరుదుండేది. ఇక గాయనిగా ఆమె పాడిన పాటలు వందల్లో ప్రేక్షకులను అలరించాయి.
భానుమతి గారికి లభించిన గౌరవం కానీ, సన్మానాలు కానీ, అవార్డులూ, రివార్డులూ మరే తెలుగు నటికీ లభించలేదంటే అతిశయోక్తికాదు.పల్నాటి యుద్ధం చిత్రానికి గాను 1966 లో జాతీయ ఉత్తమనటిగా, అన్నై అనే తమిళ చిత్రానికి కూడా ఆమెకు జాతీయ ఉత్తమ నటి అవార్డు, 1965 లో అంతస్తులు చిత్రానికి ఆమెకు జాతీయ ఉత్తమ నటిగా లభించగా, 1966లో భారత ప్రభుత్వం "పద్మశ్రీ" అవార్డుతో గౌరవించగా,1975 లో ఆంధ్రా యూనివర్సిటీ, 1984 లో శ్రీ వేంకటేశ్వర యూనివర్సిటీ గౌరవ డాక్టరేట్లు అందించి గౌరవించాయి. 1983 లో తమిళనాడు ప్రభుత్వం "కళాఈమామణి" బిరుదునిచ్చి గౌరవించింది. 1986 లో ఆంధ్రప్రదేశ్ ప్రభుత్వం "రఘుపతివెంకయ్య నాయుడు "అవార్డుని భానుమతి గారికిచ్చి గౌరవించింది. 2000 సంవత్సరంలో యన్.టి.ఆర్.నేషనల్ అవార్డునిచ్చి గౌరవించగా, 2003 లో ఆమెకు భారత ప్రభుత్వం "పద్మభూషణ్ "అవార్డునిచ్చి గౌరవించింది.అటువంటి బహుముఖ ప్రతిభాశాలి శ్రీమతి పద్మశ్రీ, పద్మభూషణ్, డాక్టర్ భానుమతీ రామక్రిష్ణ 2005లో డిసెంబర్ 24 వ తేదీన పరమపదించారు. ఒక బ్రుహత్తార నేలరాలి, ఆకాశంలో ధ్రువతారగా నిలిచిపోయింది. తెలుగు సినిమా బ్రతికున్నంత కాలం భానుమతికి చావులేదు. ఆమె అమరజీవి. ఆమె ఆత్మకు శాంతి కలగాలని ఆ భగవంతుణ్ణి ప్రార్థిస్తోంది.

-------------ఈ ఆర్టికల్ మాస్టార్స్ డాట్ కాం నుండి గ్రహించడమైనది.---------------

అత్తగారి వడియాలు

2010-03-26T12:08:00.006+05:30

చదవటానికి ఇమేజ్ మీద నొక్కండి.

అత్తగారు పనివాళ్ళు ఆడియో

2010-03-09T12:17:00.002+05:30

అత్తగారి కథల్లో ఒకటైన "అత్తగారు పనివాళ్ళు" ఆడియో రూపంలో వినండి.

అత్తగారు - ఆచారాలు

2010-02-24T12:58:00.003+05:30

చదవటానికి ఇమేజ్ మీద నొక్కండి.

జీవితమే సినిమా

2010-02-15T12:30:00.002+05:30

చదవటానికి ఇమేజ్ మీద నొక్కండి

అత్తగారు ఆచారాలు ఆడియో

2010-01-07T12:12:00.002+05:30

అత్తగారి కథల్లో ఒకటైన "అత్తగారు ఆచారాలు" ఆడియో రూపంలో వినండి.

అత్తగారు - నక్సలైట్లు

2009-11-30T12:13:00.004+05:30

చదవడానికి ఇమేజ్ మీద నొక్కండి

కష్టార్జితం విలువ 20 రూపాయలు

2009-11-16T11:09:00.001+05:30

చదవటానికి ఇమేజ్ మీద క్లిక్ చేయండి.

అత్తగారు అరటికాయపొడి ఆడియో

2009-11-04T12:09:00.003+05:30

అత్తగారి కథల్లో ఒకటైన "అత్తగారు అరటికాయపొడి" ఆడియో రూపంలో వినండి.

అత్తగారు - ఓటు

2009-10-26T11:26:00.000+05:30

చదవటానికి ఇమేజ్ మీద క్లిక్ చేయండి

అత్త తోడికోడళీయం ఆడియో

2009-10-13T11:11:00.002+05:30

అత్తగారి కథల్లో ఒకటైన "అత్త తోడికోడళీయం" ఆడియో రూపంలో వినండి.

అత్తగారికథలు రివ్యూ

2009-10-02T11:31:00.000+05:30

చదవటానికి ఇమేజ్ మీద క్లిక్ చేయండి

చక్రపాణి - ఉయ్యాల జంపాల

2009-09-16T10:13:00.002+05:30

చిత్రంలోని ఈ పాట నాకు చాలా ఇష్టం.మీరు చూస్తూ వినండి.విడియో చూడటానికి వీడియో మీద క్లిక్ చెయ్యండి

ఆత్తగారు - అష్టావధానం రివ్యూ

2009-09-07T10:10:00.002+05:30

చదవటానికి ఇమేజ్ మీద క్లిక్ చేయండి

చండీరాణి - ఓ తారక ఓ జాబిలి

2009-08-20T11:28:00.002+05:30

చండీరాణి చిత్రంలోని ఓ తారక ఓ జాబిలి పాట చూడటానికి వీడియో మీద క్లిక్ చేయండి

అత్తగారు లంకెబిందెలు ఆడియో

2009-08-12T12:14:00.005+05:30

అత్తగారి కథల్లో ఒకటైన "అత్తగారు లంకెబిందెలు" ఆడియో రూపంలో వినండి.

అత్తగారు - లంకెబిందెలు రివ్యూ

2009-08-05T12:16:00.004+05:30

అత్తగారు ఆవునెంబరు 23 ఆడియో

2009-07-23T11:07:00.002+05:30

అత్తగారి కథల్లో ఒకటైన "అత్తగారు ఆవునెంబరు 23" ఆడియో రూపంలో వినండి.

అత్తగారు - ఆవునెంబర్23

2009-07-06T12:00:00.002+05:30

చదవటానికి ఇమేజ్ మీద క్లిక్ చేయండి

గృహలక్ష్మి - మనలో మనకే

2009-06-24T11:33:00.003+05:30

గృహలక్ష్మి చిత్రంలోని మనలో మనకే పాట ఇక్కడ చూడండి.విడియో చూడటానికి వీడియో మీద క్లిక్ చెయ్యండి

అత్తగారు ఆవకాయ ఆడియో రూపంలో

2009-06-17T12:18:00.006+05:30

అత్తగారి కథల్లో ఒకటైన "అత్తగారు ఆవకాయ" ఆడియో రూపంలో వినండి.

అత్తగారి కథలు

2009-06-04T12:41:00.001+05:30

అత్తగారు - ఆవకాయ

2009-05-28T13:00:00.002+05:30

తెనాలి రామకృష్ణ - తీరని నా కోరికలే

2009-05-14T13:00:00.003+05:30

తెనాలి రామకృష్ణ చిత్రంలోని తీరని నా కోరికలే పాట ఇక్కడ చూడండి.విడియో చూడటానికి వీడియో మీద క్లిక్ చెయ్యండి

భానుమతిగారి రచనా ప్రస్థానం - 3

2009-05-07T12:29:00.002+05:30

భానుమతిగారి రచనా ప్రస్థానం - 2

2009-04-30T13:00:00.002+05:30

భానుమతిగారి రచనా ప్రస్థానం - 1

2009-04-21T13:00:00.003+05:30

ఇమాజెస్ మీద క్లిక్ చేసి చదవండి

చక్రపాణి - కామెడి సీన్

2009-04-13T13:00:00.002+05:30

చక్రపాణి చిత్రంలోని ఈ కామెడి సీన్ చూడండి.విడియో చూడటానికి వీడియో మీద క్లిక్ చెయ్యండి

సినిమా ప్రేమ కాదు

2009-04-02T13:00:00.001+05:30

రామకృష్ణతో భానుమతి పెళ్ళి కథ ఒక సినిమాకు తీసిపోదు.ఆమె నటించిన అయిదో చిత్రం కృష్ణప్రేమ కు రామకృష్ణ అసోసియేట్ డైరెక్టరుగా పనిచేసేవారు.అందరితోనూ మంచివాడనిపించుకున్న రామకృష్ణ,అప్పటికింకా పద్దెనిమిదేళ్ళు నిండని భానుమతి దృష్టిని ఇట్టే ఆకర్షించారు.స్టూడియోలో ఆయన ఎటు తిరిగితే అటే తిరిగేవి ఆమె చూపులు.ఇది గమనించిన అలనాటి నటులు శాంతకుమారి,హైమవతి ఆమెను ఆట పట్టించడానికి ఒక ప్లాను వేసారు. ఒకరోజు రామకృష్ణకోసం వెతుకుతూ అతను వెళ్ళిపోయి వుంటాడని తమలో తాము అనుకున్నారు.వెళ్ళలేదు భోజనం చేస్తున్నారు అని భానుమతి చెప్పింది. కాదు వెళ్ళిపోయారంది హైమవతి. ఇద్దరూ రెండు రూపాయలు పందెం వేసుకున్నారు. తీరా చూస్తే రామకృష్ణ నిజంగానే భోజనం చేస్తున్నారు.శాంతకుమారి,హైమవతి నర్మగర్భంగా నవ్వుకుని ఆ రెండు రూపాయలనీ రామకృష్ణతో ఇప్పించారు.

మరోసారి అదే సినిమా షూటింగులో భానుమతి వేలికి గులాబి ముళ్లు గుచ్చుకుంది.కట్టు కట్టడానికి తడిగుడ్డ దొరుకుతుందేమోనని చూస్తుండగా రామకృష్ణ ముందుకొచ్చి తన కర్చీప్ కట్టారు.కాలక్రమలో ఇద్దరి మధ్య ప్రేమ చిగురించింది.భానుమతి తల్లితంద్రులకు ఇష్టం లేకపోవడంతో ఇద్దరూ వాళ్ళకు తెలియకుండా బంధువులు,స్నేహితుల సాయంతో పెళ్ళి చేసుకున్నారు.ప్రపంచానికి ఎంత తలబిరుసుగా కనిపించినా,కట్టుకున్న భర్తకు మాత్రం ఆమె ఎప్పుడూ అనుకూలవతిగానే వున్నారు.తమ ప్రేమకు చిహ్నాలుగా ఆయన తన వేలికి కట్టిన కర్చీఫ్,పందెపు సొమ్ము రెండు రూపాయలు కడదాకా భద్రంగా దాచుకున్నారామె.

భానుమతి గారి ఇష్టాలు

2009-03-19T13:10:00.001+05:30

రచయిత: పెరల్.ఎస్.బక్, డి.వి.నరసరాజు

నటి: కాంచనమాల

దర్శకులు: బాలచందర్,విశ్వనాథ్,శాంతారాం

గాయనీగాయకులు: ఎం.ఎస్.సుబ్బలక్ష్మి, ఎస్.వరలక్ష్మి, పి.లీల, ఏసుదాసు, సుశీల

నేత : మహాత్మాగాంధి

రంగు: ఆకుపచ్చ

పూలు: మల్లె, చామంతి

పండు: మామిడి

రుచులు: గోంగూర పప్పు, గుత్తివంకాయ

జీవనసూత్రం: క్రమశిక్షణ

భానుమతి గారి గురించి తనికెళ్ళ భరణి

2009-03-12T13:00:00.001+05:30

ఆమెకూ సినిమాకూ 70 ఏళ్ల అనుబంధం..! చిన్న వయసులోనే వెండితెరపై వెలిగిపోయిందామె. నటన, గాత్రం, రచన, దర్శకత్వం.. సినిమా నిర్మాణం.. ఇలా ఒక్క రంగం కాదు.. ఒక విభాగమని కాదు.. ఆమె అడుగుపెట్టిన ప్రతిచోటా తనకంటూ ఓ ముద్ర వేసుకుంది. తెలుగునాటే కాదు.. తమిళనాడులోనూ ఆదరణ పొందింది. ఓ మధ్యతరగతి మహిళ ఇన్ని రంగాల్లో విజయబావుటాలు రెపరెపలాడించిందంటే ఎంత ధైర్యం కావాలి. ఎంత తెగువ కావాలి.. ఎన్ని కష్టాలకోర్చాలి.? అందుకే ఓ సందర్భంలో ఆమె నాకు రాళ్లూపూలూ రెండూ కొత్త కాదని గట్టిగా చెప్పారు. మహిళలు ఏ రంగంలోనైనా రాణించగలరని నిరూపించిన నటి… ధీశాలి భానుమతి. తెలుగు చిత్రసీమ భాగ్యమతి! ఆమె బహుముఖ ప్రజ్ఞ… నటుడు, రచయిత తనికెళ్ల భరణి మాటల్లో…

దిషణాహంకారం - నీకలంకారం
నీ పలుకుల నిండా కొరివికారం
కోపం నీకు వజ్రాల ముక్కుపుడక
సంగీత సాహిత్యాలు నీ చెవులకి లోలకులు
నీ చూపు చురకత్తి- నీ నవ్వు పూలగుత్తి
నువ్వు ఒక మతివి కావు శతమతివి
చిత్రసీమకు నువ్వో భారమితివి
కథానాయికల మార్గంలో నువ్వొక నూతన గతివి
నువ్వు భద్రకాళిలా కనిపించే భారతివి
నువ్వు పులి తోలు కప్పుకున్న గంగిగోవువి
నువ్వు ఆడ హీరోవి!!
నువ్వు సంగీతం సంగతుల్లో పక్కా శృతివి
నటనలో మాత్రం అప్పుడప్పుడూ కొంచెం అతివి
ఇవాళ నువ్వో స్మృతివి
కానీ సినీ వినీలాకాశంలో
నువ్వు అస్తమయంలేని
‘భాను’మతివి-
(కురియు మా కన్నీరు గుండెలో దాచుకొని ఆమె ఆత్మను తడిపి రావా…)

మూలం: ఒరిజినల్ పోస్ట్ ఇక్కడ చూడండి
credit goes to: చంద్రశేఖర్ వల్లభనేని గారు

తెనాలి రామకృష్ణ - ఈ వాలు కన్నులు

2009-03-05T17:07:00.001+05:30

తెనాలి రామకృష్ణ చిత్రంలోని ఈ వాలు కన్నులు పాట ఇక్కడ చూడండి.విడియో చూడటానికి వీడియో మీద క్లిక్ చెయ్యండి

ఉండాలోయ్ ఉండాలి

2009-02-25T13:52:00.002+05:30

దివంగత పి.భానుమతి నవంబరు 1947 చందమామలో పాపాయిల కోసం రాసిన ఓ బుజ్జిగీతం

ఫిలింకు పాట
పిల్లలకు ఆట
రాజుకు కోట
ఉండాలోయ్ ఉండాలి

అత్తకు నోరు
దేవుడికి తేరు
స్టారుకు కారు
ఉండాలోయ్ ఉండాలి

స్టేజీకి తెర
కత్తికి ఒర
చేపకు ఎర
ఉండాలోయ్ ఉండాలి

యింటికి అమ్మ
నిమ్మకి చెమ్మ
కొలువుకి బొమ్మ
ఉండాలోయ్ ఉండాలి

తలుపుకి గడి
దేవుడికి గుడి
అవ్వకు మడి
ఉండాలోయ్ ఉండాలి

జూదరికి పేక
గొడ్లకి పాక
గాంధీకి మేక
ఉండాలోయ్ ఉండాలి

అరవలకు పొగాకు
ఆంధ్రులకు గోగాకు
మళయాళులకు తేయాకు
ఉండాలోయ్ ఉండాలి

credit goes to: రాజేంద్రకుమార్ దేవరపల్లి గారు
మూలం:ఇక్కడ చూడండి

భానుమతి గారి పాటల రేడియో

2009-02-19T13:24:00.001+05:30

భానుమతి గారి పాటల రేడియో ఈ కింద వినండి.

మొదటి పార్టు కొసం ఇక్కడ నొక్కండి.
రెండో పార్టు కొసం ఇక్కడ నొక్కండి.

ఈనాటి సినిమాల గురించి భానుమతి గారి అభిప్రాయం

2009-02-12T13:52:00.004+05:30

నేటి సినిమాల్లో కథా గమనం తీరు మారిపోతోందని, కథానాయకుడు, కథానాయికల పాత్రల ఔచిత్యాన్ని దెబ్బతీసేలా పాత్రలను రూపొందిస్తున్నారని సీనియర్ నటీమణి, బహుముఖ ప్రజ్ఞావంతురాలైన స్వర్గీయ భానుమతీ రామకృష్ణ పలు సందర్భాల్లో ఆవేదన వ్యక్తం చేశారు.

మేలిమి బంగారం లాంటి నాటి సినిమాల్లో అల్లరి మూకల నుంచి తనను కాపాడిన వాడికి హీరోయిన్ మనసిచ్చి ప్రేమించేదని, నేటి సినిమాల్లో ప్రతినాయకుడిలా ప్రవర్తించే హీరోనే కథానాయిక ప్రేమిస్తున్నట్లు చూపించడం వైపరీత్యమేనని ఆమె అనేవారు.

సినిమా పరిశ్రమలో కాలూనిన నాటి నుంచి తుది శ్వాస విడిచే వరకూ చెన్నై నగరాన్నే తన శాశ్వత చిరునామాగా చేసుకున్న డాక్టర్ భానుమతి ఏ తెలుగు లేదా తమిళ సినీ పరిశ్రమలకు సంబంధించిన ఏ కార్యక్రమంలో పాల్గొన్నా నేటి సినిమాల్లోని ఇలాంటి విపరీత ధోరణులను ఖండించేవారు.

అంతేగాక తాను రాసిన తన స్వీయ చరిత్రలో సైతం ఈ విషయాన్ని ప్రస్తావించినట్లు ఆమె ఈ వ్యాసకర్తకు స్వయంగా చెప్పారు. నాటి సినిమాల్లో విలన్ లక్షణాలు కథకు తగ్గట్టుగా ఉండేవని, నేటి చిత్రాల్లో విలన్ అంటే నరరూప రాక్షసుడిగానే చూపిస్తూ ఆ పాత్ర చేత భయానకమైన పనులు చేయిస్తూ జుగుప్సాకరమైన రీతిలో సినిమా చిత్రీకరణ జరుగుతోందని భానుమతి ఆవేదన వ్యక్తం చేశారు.

ఉదాహరణకు హీరోయిన్ అత్యాచారానికి గురయ్యే సన్నివేశం ఉంటే, నాటి చిత్రాల్లో పూర్తిగా దృశ్యాన్ని చూపకుండా విలన్ కేవలం కథానాయిక చెంతకు రావడాన్ని మాత్రం చూపించి, మిగతా భాగంలో విషాద సంకేతాలను మాత్రం చూపేవారని ఆమె తెలియజేస్తూ...

ఇప్పటి సినిమాల్లో విలన్ హీరోయిన్ దుస్తుల్ని తొలగిస్తూ, ఆమెను వెంటాడుతూ మొత్తం అత్యాచార దృశ్యాన్ని చూపిస్తే చిత్రాన్ని చూసే యువత పెడదారి పట్టక ఏమవుతుందని ఆమె ప్రశ్నించారు.

ఇక శృంగార సన్నివేశాలు మరీ దారుణమంటారు డాక్టర్ భానుమతి. తాను చిత్రసీమకు వచ్చిన రోజుల్లో కథానాయకుడు, కథానాయికల మధ్య ప్రేమ సన్నివేశమనేది ఇద్దరూ సిగ్గుపడటం, కంటి చూపులతో దూరం నుంచే పలుకరించుకోవడం వంటి వాటితో సహజంగా చిత్రీకరణ జరిగేదన్నారు.

మరి ఇప్పటి పరిస్థితులు చూస్తే... ఒక కుటుంబం పిల్లలతో సహా సినిమాకు వస్తే హీరో హీరోయిన్ల మధ్య ప్రేమ సన్నివేశాలు వచ్చేసరికి పిల్లలతో ఎందుకీ సినిమాకు వచ్చామా అని పెద్దలు సిగ్గుతో తలదించుకొనే రీతిలో ఉన్నాయని ఆమె అన్నారు.

తన జీవితాన్ని టీవీ సీరియల్‌గానూ (తెలుగు, తమిళ భాషల్లో వచ్చిన ఈ ధారావాహికలో వ్యాసకర్త నటించారు) రూపొందించిన డాక్టర్ భానుమతి ఈ అంశాలన్నింటినీ అందులో ప్రస్తావించారు.

మొత్తం మీద సినిమాకు సంబంధించి నటనా ప్రతిభ, కథాబలం వంటి పదాలకు కాలం చెల్లిపోయిందని డాక్టర్ భానుమతి పేర్కొంటూ ప్రపంచవ్యాప్తంగా ఇదే పరిస్థితి నెలకొనడం పట్ల ఆవేదన, మంచి రోజులు మళ్లీ వస్తాయన్న ఆకాంక్షను వ్యక్తం చేశారు.

మూలం - వెబ్‌దునియా
యిమ్మడిశెట్టి వెంకటేశ్వరరావు

బొబ్బిలియుద్ధం - శ్రీకర కరుణాల

2009-02-04T13:03:00.003+05:30

బొబ్బిలియుద్ధం చిత్రంలోని శ్రీకర కరుణాల పాట ఇక్కడ చూడండి.
ఈ పాటలో చరణంలో కాకతీయ వైభవం,హంపి వేంగి ప్రాభవం అన్న బిట్ భానుమతిగారి గొంతులో సూపెర్ వుంటుంది
విడియో చూడటానికి వీడియో మీద క్లిక్ చెయ్యండి

భానుమతిగారి సంతాపసభ ఫోటోలు

2009-01-28T12:05:00.002+05:30

స్త్రీ స్వేచ్ఛకు నిజమైన అర్థమిదేః

2009-01-19T13:19:00.001+05:30

బహుముఖ ప్రజ్ఞాశాలి భానుమతీ రామకృష్ణను ఎరుగని తెలుగు లోగిలి లేదనడం అతిశయోక్తి కాదు. నటి, నిర్మాత, దర్శకురాలు, స్టూడియో యజమానురాలు, రచయిత్రి, గాయని, సంగీత దర్శకురాలు, గృహిణి... ఇలా నిజ జీవితంలో విభిన్న పాత్రలను పోషించి ఆయా రంగాల ప్రముఖులచే భేష్ అనిపించుకున్న ఘటికురాలు.

స్త్రీ స్వేచ్ఛపై తన అభిప్రాయాలను సుస్పష్టంగా చెప్పారామె. మహిళా స్వేచ్ఛ అంటూ చాలామంది రకరకాల వ్యాఖ్యానాలు చేస్తుంటారని డాక్టర్ భానుమతి పేర్కొంటూ, ఎవరినీ లెక్కచేయక విచ్చలవిడిగా తిరుగుతూ నిర్లక్ష్య ధోరణి గలవారు ఒకరైతే...

పురుషాధిక్యానికి గురై అమాయకత్వంతో కూడిన అజ్ఞానంతో కష్టాలు పడే మహిళలకు విముక్తినివ్వాలని సీరియస్‌గా వాదించేవారు ఇలా రెండు రకాల మహిళా స్వేచ్ఛావాదులు ఉన్నారంటారు. అయితే "మట్టిలో మాణిక్యం" చిత్రంలో తాను రూపొందించిన లలిత పాత్ర. స్త్రీ స్వేచ్ఛకు నిజమైన అర్ధం అంటారు డాక్టర్ భానుమతి.

మహిళ తనకంటూ స్వంత వ్యక్తిత్వాన్ని ఏర్పరచుకొని, తన పరిమితులను తానెరిగి, జీవిత భాగస్వానిగా, అమ్మగా, పరిపూర్ణ స్త్రీగా బాధ్యతలను నిర్వర్తిస్తూ ఆత్మాభిమానాన్ని కోల్పోకుండా ముందడుగు వేయాలని, తీవ్ర పరిస్థితులు ఎదురైనప్పటికీ తల ఒగ్గక సమాజంలోని దుష్టశక్తులను దునుమాడే ఆదిశక్తిలా ఉండాలనేది తన ఆకాంక్షగా భానుమతి స్పష్టం చేశారు.

అయితే, మహిళలందరికీ ఇలాంటి ఆదర్శ లక్షణాలు ఉండవని తనకూ తెలుసనీ, కొందరికి పుట్టుకతోనే భయం, పిరికితనం ఉన్నా అడుగడుగునా జీవితం నేర్పే పాఠాలు, పరిస్థితుల ఒత్తిడితో ఆత్మస్థైర్యం, ధైర్యం అలవడతాయని ఆమె అన్నారు.

డాక్టర్ భానుమతి జీవితాన్ని పరికిస్తే పై విషయాలు ఆమె స్వానుభవంతో చెప్పినవేనని అనిపిస్తుంది. ఈ కోణంలోనే "మట్టిలో మాణిక్యం"లో లలిత పాత్రను రూపొందించి, తరువాత అదే ప్రేరణతో "అంతా మన మంచికే" చిత్రంలోని సావిత్రి పాత్రకు ఊపిరి పోసినట్లు భానుమతి చెప్పారు.

ఈ సినిమాలు రెండూ ఎంతో ప్రజాదరణ పొందాయి. అదే రీతిలో తాను "అసాధ్యురాలు"లో భారతి పాత్రను ఒకింత ఎక్కువ స్థాయిలోనే మలిచానని వివరించారు.

అసాధ్యురాలు సినిమాలో హీరోకు పెద్దమ్మ అయిన భారతి ఐశ్వర్యవంతులమనే అహంకారంతో పేదలను నీచంగా చూసే వ్యక్తులను దారికి తెచ్చే ప్రయత్నం చేస్తుంది. ప్రేమకు ఆటంకాలు కల్పించే శక్తులను ఎదుర్కొంటూ, చేయూతను ఆశించిన వారిని అండగా నిలిచి, ఒక్కో సన్నివేశలోనూ సమయస్పూర్తితో సమర్థవంతంగా వ్యవహరించేలా ఈ పాత్రను రూపొందించానన్నారు.

మొన్న లలిత, నిన్న సావిత్రి, తర్వాత భారతి పాత్రల ద్వారా స్త్రీ స్వేచ్ఛకు నిజమైన అర్థాన్నిచ్చిన డాక్టర్ భానుమతి నిజజీవితంలోనూ అదే వ్యక్తిత్వంతో స్త్రీ లోకానికి ఆదర్శప్రాయంగా నిలిచారు.

ఈ ఆర్టికల్ రాసినవారు - యిమ్మడిశెట్టి వెంకటేశ్వరరావు

వెబ్ దునియా ఉండి సంగ్రహించడమైనది

అపూర్వసహోదరులు - లడ్డు లడ్డు

2009-01-12T10:38:00.001+05:30

అపూర్వసహోదరులు చిత్రంలోని లడ్డు లడ్డు పాట కింద చూడండి.
ఐదు భాషలలో భానుమతిగారు పాట ఆవిడ ప్రతిభను చెబుతుంది.
తమిళ్,మలయాళం,తెలుగు,కన్నడ,హిందీలలో ఈ పాట వుంటుంది.
వీక్షించండి.విడియో చూడటానికి వీడియో మీద క్లిక్ చెయ్యండి

భానుమతి మళ్ళీ పుట్టాలి

2009-01-10T09:00:00.010+05:30

ఇమేజ్ రూపంలో వున్న కంటెంట్ చదవటానికి ఇమేజ్ మీద నొక్కండి .

ముందుమాట

2009-01-09T18:26:00.000+05:30

డా.పద్మశ్రీ పి.భానుమతి రామకృష్ణ గారికి సంబంధించిన నాకు దొరికిన ప్రతి విషయం ఇక్కడ పొందుపరుస్తాను.నాలాగ ఆవిడ అభిమానులైన వారందరికి ఈ బ్లాగు సాదరంగా ఆహ్వానిస్తుంది.